Iha semana rua nia laran ne’e eqipa ligasaun ou Matchmaking organisa eventu ba enkontru boot entre fa’an nain iha rai laran hosi distritu Bobonaro no distritu Oecussi ho sosa nain hosi nasaun vizinho Indonesia, Atambua-Belu . Eventu ida ne’e sei halao iha loron, 30 Novembro 2010 no sei hola fatin iha fronteira-batugade, distritu Bobonaro.
Eventu ida ne’e, hanesan oportunidades diak ba negosio nain sira nebe mak hakarak faan sira nia productu local ba basar internasional. liu husi oportuninade ne’e fa’an nain local sira bele hasoru deretamente sosa nain no bele truka informasaun ba balu atu bele realisa negosio ba tempu naruk iha oin mai. Negosiates nebe mak partisipa iha eventu ne’e mak 20 pesoas hosi Atambua-Belu; nebe mak kompostu hosi sosa nain ba karau, fore-munggu, fore-keli, batar, kafe no produtu local seluk seluk tan. Estimasaun ba negosiantes Timor oan nebe mak sei atende engkontru ne’e hamutuk 40 pesoas.
Eqipa ligasaun ou Matchmaking iha distritu rua nebe refere’e hetan supporta orsamento hosi fundu kanada ho durasaun projectu ba tinan ida. Iha tinan ida nia laran eqipa rua hosi distritu refere’e halao ona viajen ba Nusa Tenggara Timur dala rua atu halo intrudusaun ba projectu ne no mos fahe informasaun ba sosa nain sira. Viajen sira ne’e mak resulta engkontru boot nebe mak sei halao iha data nebe hakerek iha leten.
Eventu ida ne’e mos hetan suporta hosi CCI distritu Bobonaro, Ministerio Turismo e Comersio no Konsul Timor-Leste nian ba Nusa Tenggara Timur Sr. Feliciano da Costa. Eqipa PDT iha optimismu tebes katak ho hasoru malu ida ne’e bele estabelese relasaun negosio nebe mak diak no ho durasaun naruk iha oin mai.
Tags : bobonaro maliana
More from this author -
Latest News -
Atu Suporta Feto iha Area Negosio, Misaun UN Hala’o Workshop.
UNMIT
3 dolar lorloron hatutan liman ain komunidades iha base ka la’e?
viqueque
Beaco, ponte-kais dahuluk nebe’e iha prosesu nia laran ba Supply base.
Timor-Leste viqueque
