Journal sai hanesan media informasaun nebe’e mak haklekar iha sosiadade nia le’et. Ema barak hatene katak journal mak media informasaun nebe’e efesiente liu hanesan televisaun no radio. Laos deit ukun nain sira ou entrepeneur/pengusaha bo’ot mak interese le’e journal, maibe seluk hanesan negosiantes ki’ik, sofer kareta, estudante hanesan mahasiswa to ba inan feton sira nebe’e hela iha uma mos gosta le’e journal. Ho le’e journal, ita bele tuir progresu atual nebe’e mak iha nasaun laran nomos nasaun liur. Ninia pontu mak ne’e, katak ita hotu persija informasaun, agora dadaun, informasaun hanesan necesidades basikus nebe mak ita hotu sei la husik liu. Nune’e informasun nebe’e hakerek iha journal sempre interesante e hakerek nain sira fiar katak ema barak hakarak le’e tamba informativu tebes.
Aktividades husi organisasaun barak, ne’ebe mak hala’o ho objektivu fo’o benefisia ba komunidades, utiliza meus oin oin atu hato’o sira nia resultado, maibe’e barak mos hakarak relata ou fahe sira nia resultado liu husi media nune’e bele habelar informasaun no ema hotu bele hetan oportunidade atu hatene saida mak lao ona ou akontese, ida ne’e sai parte ida husi informasaun ne’ebe mak ema hakarak le’e no hatene.
Esemplu konkritu mak Peace Dividend Trust (PDT) nia informasaun ka historia kona ba servisu nebe’e mak hala’o ona, informasaun nebe’e fahe liliu kona ba aktividades ou resultado husi relatoriu servisu nian, nebe’e mak dalabarak fo sai liu husi journal lokal sira hanesan, STL, Tempo Semanal, Business Timor no Timor Post. Iha tempu balun liu ba, Journal “Business Timor” hakerek kona ba’a; PDT Avalia Rezultado Assesmentu iha Distritu Baucau no Lautem, hare’e iha imagen tuir mai ne’e;
Informasaun ida ne’e interesante dunik, iha parte seluk mos Peace Dividend Trust (PDT) foin dadauk ne’e remata ona hakerek relatorio ikus kona ba avaliasaun ba impaktu assesmentu, ne’ebe mak fo sai resultado servisu Ligasaun/Matchmaking iha distritu 9 hanesan: Ainaro, Baucau, Manufahi, Lautem, Viqueque, Manatuto, Bobonaro, Covalima no Oecusse. Iha relatoriu ne’ebe fo sai, iha pontu ha’at mak sai hanesan indikador resultado servisu ne’ebe halao hanesan tuir mai ne’e;
- Serbisu sira ne’ebé mak kria ona tuir distritu
- Serbisu sira ne’ebé mak kria ona prenxe husi feto sira
- Serbisu sira ne’ebé mak hetan ona parseria
- Hatene tuir Rendimentu ne’ebé derivadu husi halo parseria (Matchmaking) nian
Tabela ou grafika iha leten hatudu klaru resultado ba gasto rendementu husi negosiu sira nain sira wainhira hetan transaksaun durante fasilita husi serbisu Ligasaun. Rezultadu sira hatudu katak PDM-TL nia servisu halo parseria (matchmaking) mikro ne’e kria ona serbisu 652 iha sektór kreximentu xave sira iha Timor-Leste nia laran. Rezultadu sira ne’e domina husi númeru boot husi serbisu sira ne’ebé mak kria ona iha indústria karau no kafé nian, área sira ne’ebé mak iha importánsia estratéjiku ba Timor- Leste nia ekonomia. Indústria hirak-ne’e sei dezenvolve hela infraestrutura ne’ebé mak mai ho merkadu sira ne’ebé mak maduru liután. PDT ajuda atu haburas merkadu hirak-ne’e liuhosi fó informasaun ne’ebé mak dezesperadamente presiza atu liga sosa-na’in no fornesidór sira.
Tanba nasaun ne’e diversifika ninia ekonomia, PDT nia serbisu ne’e esensiál iha kriasaun ba serbisu nian. Avaliasaun impaktu nian ida-ne’e hatudu katak, se bainhira investe loloos duni, indústria lokál sira bele kria serbisu sira lailais no efetivamente. Emprezáriu no negósiu ki’ik sira tenke hetan apoiu ne’ebé sira presiza hodi bele sai buras, habelar an, no kria serbisu sira. Peace Dividend Trust (PDT) hala’o ona knaar ne’ebé desizivu hodi fó apoiu ida-ne’e, maibé apoiu ne’ebé boot liután, espesialmente kona-bá nível sira halo polítika nian, presiza duni.
Estudu ida-ne’e la ko’alia kompreensivamente kona-bá projetu ne’e nia rezultadu hotu-hotu. PDT hakarak tebes atu esplora liután impaktu husi ninia servisu sira hodi husu pergunta sira hanesan:
- Karik merkadu sira ne’ebé dezenvolvidu liu iha sektór xave sira presiza asisténsia ne’ebé uitoan liu duké sira hirak ne’ebé mak foin iha faze nasente?
- Iha ne’ebé mak fornesidór sira investe ona iha empreza foun, oinsá loos mak trata ona ho hirak-ne’e?
Estudu seluk ida kona-bá kle’an no eskala ida-ne’e nian sei fó informasaun ne’ebé presiza liu ba iha modelu sira iha merkadu lokál nian ida-idak.
Tags : matchmaking
More from this author -
Latest News -
Enkontru entre negosio nain sira iha fronteira-Batugade.
bobonaro maliana
Atu Suporta Feto iha Area Negosio, Misaun UN Hala’o Workshop.
UNMIT
3 dolar lorloron hatutan liman ain komunidades iha base ka la’e?
viqueque
