Ema barak sempre husu, lolos serbisu saida maka ami ninia ekipa halo durante ne’e iha Peace Dividend Trust/PDT? Esplikasaun barak klarifika ona liu husi apresentasaun iha seminario sira, liu husi media hanesan journal, video, brosura no seluk-seluk tan katak, serbisu ne’ebe ami nia ekipa hala’o mak serbisu Ligasaun ka iha liafuan ingles dehan “Matchmaking”. Maibe lolos, saida maka serbisu Ligasaun ka “Matchmaking” ne’e? Oinsa prosesu halao serbisu Ligasaun? Se mak persija hetan tulun liu husi serbisu ida ne’e?
Serbisu Ligasaun nudar serbisu ida ne’ebe defisil tebes se karik laiha informasaun no sei sai fasil tebes karik iha informasaun konkreta ne’ebe mak prontu atu utiliza hodi tulun negosiantes sira hasoru malu. Dadus negosiantes nian nudar informasaun basiko ne’ebe mak importante atu prepara informasaun ba relatorio pedidu nian, ho dadus negosiantes ne’ebe kolekta husi ekipa Verifikasaun PDT halo fasil serbisu Ligasaun. Nune mos atu halao serbisu Ligasaun, pedidu/rekizasaun mak sai savi atu liga negosiantes sira (Negosiantes lokal no Internasional). Pedidu/rekizasaun nudar prosesu husu informasaun merkado nian liu husi ekipa PDT kona ba sasan ka serbisu ne’ebe mak sosa nain no faan nain sira interese no hakarak.
Negosiantes rai-laran sai nudar objetu ba serbisu Ligasaun, negosiantes rai laran persiza tebes tulun atu hetan informasaun merkado nian ho razaun katak falta informasaun merkado nian sempre halo sira lakon oportunidade atu halao negosio ne’ebe oferese.
Pedidu/rekizasaun ne’ebe maka manda mai PDT, balun fasil atu kompleta lalais e balun fali defisil atu kompleta tamba informasaun sira ne’ebe husu barak seidauk verifika. Dala barak pedidu ne’ebe haruka liu husi e-mail, kada loron bele 6 to 7. Pedidu sira ne’e sempre diferente, ezemplu hanesan sosa nain balun hakarak hetan informasaun kona ba kompania ne’ebe mak fo aluga kareta, balun fali hakarak sosa produktu lokal hanesan foremunggu, forekeli ho kuantidade barak, balun fali hakarak buka kuzinheru no seluk seluk tan.
Relatorio pedidu ne’ebe maka manda mai PDT, balun fasil atu kompleta lalais e balun fali defisil atu kompleta tamba informasaun sira ne’ebe husu barak seidauk verifika. Dala barak pedidu ne’ebe haruka liu husi e-mail, kada loron bele 6 to 7. Pedidu sira ne’e sempre diferente, ezemplu hanesan sosa nain balun hakarak hetan informasaun kona ba kompania ne’ebe mak fo aluga kareta, balun fali hakarak sosa produktu lokal hanesan foremunggu, forekeli ho kuantidade barak, balun fali hakarak buka kuzinheru no seluk seluk tan.
Iha loron hirak liu ba, iha data 27 Julho 2011, PDT simu pedidu ida husi kompania Australia ida ne’ebe maka serbisu iha projetu kitan hamutuk ho kompania mina-rai “eni”. Kompania ida ne’e , iha komitmentu atu fo serbisu ba ema timor oan no iha tempu badak atu haruka lalais ema nain hat ne’e ba tuir treinamentu iha Singapura. Pedidu ne’ebe manda mai PDT urgente tebes, maneger kompania ne’e hakarak hasoru malu ho agensia nebe halao serbisu rekrutamento iha Timor-Leste atu buka ema sira ne’ebe mak bele kompleta kriteria ne’ebe sira hakarak.
Hare ba pedidu ne’ebe mak urgente, aktividades prepara relatorio ba pedidu nian mos komesa prepara nia maneira ka dalan hanesan tuir mai ne’e:
- Faze dahuluk: Kolekta informasaun kona ba agensia rekrutamento iha Timor laran liu husi www.connect.buildingmarkets.org, visita negosiante relevante sira, halo xamada telefone hodi buka informasaun relevante.
- Faze daruak: Hatama informasaun nebe’e hetan ba iha formatu relatoriu pedidu nian ne’ebe mak prepara ona.
- Faze datolu: halo xamada telefone no manda SMS ba negosiantes relevantes atu esplika sosa nain nia hakarak no nia kriteria ne’ebe mak sira hato’o.
- Faze hat: Kompleta informasaun ne’ebe hetan husi negosiantes sira via telefone no sms e manda relatorio pedidu ne’e ba sosa nain nebe mak husu liu husi e-mail.
Atu produs relatorio pedidu ida ne’ebe diak no exatu dalaruma bele gasta tempu to oras tolu ka ha’at e dala ruma mos bele gasta tempu to semana no fulan depende ba pedidu ne’ebe mak hetan.
Durante halao serbisu ligasaun ne’e akipa Ligasaun/Matchmaking konsege fasilita transaksaun ba ligasaun entre sosa nain no faan nain sira ho pedidu ne’ebe mai husi sektores diferente hamutuk 14.000 pedidu ho total valor osamentu ne’ebe mak serkula ona hamutuk miliaun $10.
More from this author -
Latest News -
Enkontru entre negosio nain sira iha fronteira-Batugade.
bobonaro maliana
Atu Suporta Feto iha Area Negosio, Misaun UN Hala’o Workshop.
UNMIT
3 dolar lorloron hatutan liman ain komunidades iha base ka la’e?
viqueque
